入行4年的前「亞視一姐」薛影儀再三強調自己係A0。
入行4年的前「亞視一姐」薛影儀(阿儀)，對心儀的亞視高層從一而終，近日阿儀偕好姐妹黃榕上深圳的醫療中心做正骨，被「修理肉體」期間，醫師指她以41歲之齡駝背情況有點嚴重，醫師將阿儀壓住啪骨，當趴低接受治療時，阿儀在鏡頭前打開心扉，旁邊的黃榕問她現時有沒有心上人，阿儀即答：「有啊，以前亞視嗰個高層。」再問有冇拍過拖，阿儀自豪回答：「冇呀！都話A0囉。」標榜仍屬A0之身。
私傳艷照激嬲心上人
阿儀早前接受訪問時直認鍾情一位亞視高層，並透露對方身份是馬來西亞人：「好難搵到佢㗎！佢唔係香港！佢就係一個亞視嘅高層，都係律師嚟。我之前send相俾佢，佢嬲咗。我沖完涼着咗件內衣send咗相俾佢，你見嗰啲KOL都係着內衣褲。」被問到心上人是否不滿意內衣照片太性感，阿儀說：「係啦！因為我send咗俾佢。」一直以來對這位亞視高層仍念念不忘。
阿儀自從被亞視炒魷後積極轉型做KOL，連日來在IG連環出含廣告性質的宣傳影片，既露肉腿又講笑話，當中見她趴底針炙時大講笑話，被網民直指角度似貞子，亦有人睇完片後認為「阿儀人生一半時間都係er er er er er」。
ADVERTISEMENT
立即更新/下載AM730手機APP 體驗升級功能
