Ad Block Ad Block
娛樂
2022-11-17 21:00:10

袁偉豪屢成箭靶感迷失 認易觸動感激黃翠如從旁開解

分享:
袁偉豪稱自己很易受觸動,因而被人誤會是火爆性格。

袁偉豪稱自己很易受觸動,因而被人誤會是火爆性格。

袁偉豪早前推出新歌《馬路英雄》,由他包辦曲詞編監唱、和音、結他部份,並有份擔任MV導演,他早前作客無綫節目《Star Talk》時,坦言今次出歌可以說是圓夢。他說︰「歌詞部份一日完成,因為個題材自己好有感覺,因為我太鍾意揸車,好享受揸車嘅感覺,我連車裏面嘅座位、音響、氣氛、馬力都好講究,我覺得如果我唔做演員,好可能係一位職業司機。首歌總共錄咗兩日,第一日之後覺得唔滿意,隔咗成個月先再銱錄,中間嘅過程問咗好多朋友嘅意見,包括謝東閔、單立文、胡蓓蔚,仲請教咗歌唱老師。」

Ad Block
袁偉人豪今次為新歌付了不少心血。

袁偉人豪今次為新歌付了不少心血。

人生低潮幸獲翠如安慰

談到近年備受批評,會否用歌詞中的一句「沉著氣 給禮讓 先最強」面對種種問題和壓力時,袁偉豪說:「其實好大壓力,但我好被動,嗰段時間好低潮,好迷失,覺得工作上付出咗咁多,但反而外來嘅聲音,專注唔係工作上,而且仲成為箭靶,覺得有啲唔公平,變咗有一種好失落嘅感覺,成個人都冇晒光彩,跌咗落漩渦中。」

他更特點多謝黃翠如︰「佢知道嗰時我有壓力,問我有冇事,佢上咗嚟我屋企傾偈,臨走之前叫我Delete咗個社交App,唔好睇,到咗自己強大咗先算,我喺佢面前Delete咗!當冇睇嘅時候成個人真係舒服啲。可能我個人比較感性,容易觸動到自己,所以先令到外界覺得我好火爆,其實認識我嘅人都知道,我遇到問題係會有意見,不過都係想為件事好。」

袁偉豪與黃翠如合作《使徒行者3》而成為好友。

袁偉豪與黃翠如合作《使徒行者3》而成為好友。

靠煮食療傷

他又說:「整嘢食係喺我低潮時期幫到我療傷同好治癒,當時開始沖咖啡拉花、整嘢食、焗麵包同整Pizza,唔開心有情緒嘅時候,整個麵包都唔好食,我試過唔信,立即再搓麵粉再整,出到嚟都係唔好食,可能真係有啲能量轉化,所以之後我抱住一個平靜、開心嘅心態去做。」

袁偉豪認為煮食過程令他感到平靜。

袁偉豪認為煮食過程令他感到平靜。

袁偉豪接受許文軒專訪。

袁偉豪接受許文軒專訪。

請接受以下私隱政策及免責聲明,以示你同意am730內之私隱政策及免責聲明。了解更多
接受