裕美眼紅紅鬧爆繁殖場「虐狗」。
裕美向來愛鍚小動物 ，昨日她拍片表示義工團隊收到求助，在奧海城附近執到一隻「都柏文」品種的狗仔，義工團隊見到相片，發現勢色唔對，見都柏文頭頂有個紙杯，跟耳朵一起被針縫起咗，都柏文更是見晒骨嚴重脫水，最後去到醫院亦捱不了離世；裕美心痛得眼紅紅，並嬲爆表示：「我唔知邊條x街做啲咁嘅嘢！」
裕美先向大家澄清其實都柏文品種的狗仔，出世時本身耳朵是向下垂，以及長尾巴，但是坊間很多人都喜歡都柏文耳仔豎起及短尾，於是很多商人為了令其耳朵豎起，便會在其耳朵後方剪開，然後再縫起來，又會用紙杯放在耳朵搵膠紙黐住來定型。裕美續嬲爆表示：「但係呢一單係好誇張，佢係喺剪耳嘅時候，連埋個紙杯一齊縫起佢，都唔夠，仲要搵膠水黐實佢，令佢隻耳仔甩唔到，我哋估計係繁殖場，雖然我哋冇證據。」而她指幾個月前某義工機構亦收過同一情況的狗仔，相信是同一繁殖場所為。
裕美續指很多繁殖場為了養名種貓狗，都會把毛孩當作商品，但一旦有病，就會立即掉出街，完全沒有良心，說到此時，裕美強忍淚水，眼紅紅聲音沙啞指：「琴日呢隻都柏文BB喺橫風橫雨嘅情況下，俾人掉咗出街，佢瑟縮一角匿喺公園凳嘅下面 。我只係希望大家可以廣傳呢件事，因為好多時呢啲問題報警警察係唔會理，一係就輕判。」
裕美深呼吸再說：「我希望可以盡快捉到呢個人，並且希望每人出一分力廣傳呢件事，警察會加倍做嘢，希望將呢條x街繩之於法，攞小動物去做生意嘅人，我將一步一步打柴你哋，令到你哋全部執笠，亦都希望你自此之後傾家蕩產瞓街，冇嘢食兼餓死，睇住嚟啦，我終有一日會收你檔！」網民都怒斥虐狗的人，並大讚裕美人美心讚，難怪林作早前公開力撐裕美為人善良真誠。
ADVERTISEMENT
😋請你嘆香港迪士尼20周年下午茶👇立即登記👇
