試當真「校花校草選舉」季軍THAIMAY楊雅文獲力捧出單曲《獅吼功》。
試當真旗下音樂廠牌Demo Records力捧新人泰妹THAIMAY（楊雅文）首支單曲《獅吼功》昨日(2日)正式推出，擁有泰國血統的THAIMAY，在朋友推薦下參加2022年「試當真校花校草選舉」並於網民票選下奪得季軍，甜美外型加上舞獅隊及競技啦啦隊隊員的身份，成為公司強勢勇闖樂壇的首位力捧新人。
集合港日韓創作班底
《獅吼功》為THAIMAY度身訂造，邀來韓國創作人Samuel Ku作曲、鍾說(鍾雪瑩)填詞，歌曲靈感來自她精通的的競技啦啦隊翻騰動作，透過新歌表達過去一年涉足演藝圈的急速轉變，她說：「娛樂圈比起自己認知嘅世界更廣闊同複雜，成日好驚自己講錯嘢、搞壞個形象。我知道公司同大家對我嘅期望，所以好努力學習做藝人。」雖然有時會感到苦惱困惑，反覆去想在做「自己」同符合「世界」之間如何取得平衡，但THAIMAY時刻以做前空翻的勇氣「忘記掉重力」，繼續向前翻騰，不會受大眾的框架局限，鼓起勇氣創造自己的遊樂場。
整首歌為以輕快的旋律呼應著「獅吼功」三個字， MV由日本寫真事務所聘用的著名香港攝影師兼導演Miss Bean執導、《全民造星III》Timo排舞，集合港日韓創作班底，盼望觀眾能夠記得THAIMAY的率真活潑性格。
熱到隔肋底要搽無比滴
THAIMAY早前為新歌拍攝MV，不僅於三十多度高溫下在草地上跳唱兼做出高難度空翻動作，更走訪不同場景而拍通宵，她要出動按摩槍舒緩疲勞：「佢哋以為我做咩係咁䟴腳，其實我係肌肉酸痛，同埋嗰日真係超熱，又要狂跳舞成個人不停出汗，最後用埋無比滴搽喺隔肋底，即刻爽晒。」向來冇生暗瘡的THAIMAY，緊張到拍攝當日爆壓力瘡：「話晒人生第一個正式MV，我真係好好好緊張，但係又好開心喎，因為我搵咗平日一齊跳啦啦隊班隊員，有佢哋喺度，我放鬆好多，仲要多謝成個團隊，個個都對我好好，辛苦晒大家。」首次進軍樂壇的THAIMAY亦定下目標，將會繼續貫徹獅隊精神，無論打空翻定撞板都決心企穩，成為為世界帶來更多刺激的辣椒仔！