黃劍文負傷與譚輝智一齊帶團到潮汕。(娛樂組攝)
譚輝智、黃劍文今早到西九高鐵站與4百多人乘搭高鐵一齊前往潮州，由於出發前，劍文在IG上載自己手指流血不止的影片，最後更要入院做手術，現時需要固家傷口，他苦笑表示今次行程不能品嚐美味的潮州牛丸及牛肉火鍋，在旁的輝智表示「我會幫手食埋佢個份」。
黃劍文與fans一早在高鐵站集合。(娛樂組攝)
筋斷7成恐影響活動能力
劍文表示洗碗時撞到，不慎被玻璃割到流血，「我開頭以為係皮外傷，於是沖水啦，點知唔止血，我就即刻搭的士去醫院！我係冇諗過要去手術，都OK依家！總之筋斷咗70%，就要縫針。(會唔會影響日後活動？)依家未知，2星期後拆線，之後再做物理治療。」問到當下有沒有擔心影響出發，劍文表示沒有想太多。輝智表示知道對方手受傷之後，擔心他日後能否彈結他及手指活動能力，並透露原本要跟劍文在台上合唱兼跳舞，現時只能就住表演。
黃劍文表示2星期後去拆線再做物理治療，有信心會痊癒。(娛樂組攝)
8月包機飛大馬
提到輝智早前在IG不停發布多張周圍瞓的照片，他稱是用來宣傳新歌之用，現時要「起身」，並會在高鐵上率先播放他的新歌，讓今次隨團的歌迷先聽為快。除了今次跟劍文去潮汕外，8月亦會跟車婉婉乘搭「輝智號專機」到馬來西亞，問到是否代表整架飛機都印有他的大頭貼，輝智笑謂不是，只是包機「全部自己人」。
他稱現時間中會在《愛‧回家之開心速遞》出現，但每次角色的工作都不同，已經拍了3集，稍後亦會播出。劍文透露會擔任《今晚有歌廳》主持，屆時會在節目中大唱經典歌。
譚輝智與黃劍文隨永安旅遊總經理馬世文到潮汕，近400多人出發，犀利。(娛樂組攝)
讚關嘉敏同姜卓文好襯
提到關嘉敏在《女神配對計劃》中對姜卓文大有好感，輝智私訊她表示「溝下呢條仔先」，輝智表示在節目中見到關嘉敏跟他認識的她不一樣，「無諗過佢咁女仔，未睇過呢一面，好好奇，呢個節目真係好好睇，男嘅要好有勇氣，女嘅又犀利。(睇唔睇好佢同姜卓文？)唔知佢最後會揀邊個，都係佢自己話事，相信佢會睇清楚，兩個外表都幾好。」
