譚輝智今日出席劇集《愛．回家之開心速遞》宣傳活動。（娛樂組攝）
譚輝智今日出席劇集《愛．回家之開心速遞》宣傳活動。譚輝智接受訪問回應對於自己演技的看法：「越嚟越好啲，未去到標準水平，希望自己都進步緊。」講到飾演中醫一角，他分享：「角色都少少係自創，如果太專業就會限制自己，做返自己會好啲。」他透露與劉丹最多對手戲，並表示：「佢不斷會教我演戲，例如嘅語氣，叫我演戲唔好咁急，有陣時啲節奏要慢啲。」
譚輝智透露與劉丹最多對手戲。（娛樂組攝）
新歌點擊率突破130萬
講到新歌《熱身要在冧低前》點擊率突破130萬，他表示：「好多謝張佳添，如果唔係佢，我都冇可能唱到呢類型嘅歌，非常感謝佢，同埋我啲小朋友都好鍾意聽。」講到與張佳添合作的契機，他說：「其實一直都好想，喺比賽嘅時候唔知會唔會有呢個機會，一路都擺喺個心裏面，如果有一日張佳添肯寫俾我就好啦！完咗比賽之後就真係好大膽咁佢，佢又應承咗我。」
日前，張佳添被拍到與細10歲的甄采浠（前名甄詠珊）拍拖，譚輝智唔驚訝張佳添傳有新戀情。
唔驚訝張佳添傳有新戀情
日前，張佳添被拍到與細10歲的甄采浠（前名甄詠珊）拍拖，二人被斷正搭膊頭頭攬腰現身圓方商場，非常甜蜜，因此傳出張佳添有新戀情。被問到有否關心張佳添傳出新戀情，他表示：「有留意吓，但冇好深入了解。」講到會否驚訝對方會有新戀情，他直言：「其實真係唔出奇，佢應該大我10幾年，佢又有男人味。如果我有佢咁嘅樣貌真係發達啦！」
譚輝智指現階段已經結婚，不太方便與張佳添討論有關女伴的問題。談及最近的工作發展，他分享：「遲啲有可能帶團去第二啲國家。」他分享自己非常喜歡帶團的工作，並表示：「我好鍾意周圍玩同周圍去，好開心旅行團又俾我任揀，揀我鍾意去嘅地方。」
立即更新/下載AM730手機APP 體驗升級功能
