陳家樂與連詩雅的愛女一歲生日。
連詩雅（Shiga）去年7月為陳家樂誕下女兒陳星頤（Camila），轉眼間Camila已經一歲大，連詩雅今日（18日）在社交網大曬全家福，相當溫馨。
適逢Camila 一歲生日，連詩雅和陳家樂一家三口特意到影樓影全家福留倩影，Camila 萌爆可愛樣勁似陳家樂，但表情就學足連詩雅，^_^。連詩雅冧爆寫道：「To Our Dearest Camila，1歲生日快樂，我哋嘅心肝寶貝，多謝你揀咗我哋做你嘅爸爸媽媽， 呢一年因為有你，每一日都甜到漏，你嘅笑聲教我哋咩係幸福， 你嘅眼淚教我哋更勇敢， 連你半夜喊醒我哋嘅時刻， 而家諗返都變成咗最可愛嘅回憶。」連詩雅續謂：「我哋會繼續陪你跌跌撞撞學行路， 聽你牙牙學語叫『爹哋媽咪』最緊要你健康開心、笑多啲， 做個食飽瞓飽嘅快樂小豬仔」最後，她更表示Camila的出現，令到她與陳家樂變成更好的人。不少圈中好友包括岑珈其、林奕匡、江若琳都紛紛留言送上祝福，好姊妹陳自瑤更謂：「Happy Birthday，同媽媽一樣咁鍾意嘟嘴」。
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
