郭柏妍(Rosita)和譚俊彥今日（12日）出席TVB劇集《麻雀樂團》宣傳活動。（娛樂組攝）
郭柏妍(Rosita)和譚俊彥今日（12日）出席TVB劇集《麻雀樂團》宣傳活動。譚俊彥接受訪問指郭柏妍經常會不見東西，並表示：「郭柏妍讀劇本好勤力嘅，但係佢唔見咗的話，佢就會喺錄影廠行嚟行去，佢又唔肯俾我知道，但到最後都搵得返，原來劇本擺咗喺雪櫃。」他指郭柏妍也曾經試過不見電話，幸好最後找回。
譚俊彥接受訪問指郭柏妍經常會不見東西。（娛樂組攝）
郭柏妍自爆去警署報失記憶卡
郭柏妍被問到曾經是否試過不見東西要去警署報失，她坦言：「我唔見咗張記憶卡，我都唔知點解自己會唔見，可能個袋自己打開咗，跌咗出嚟自己都唔知，我就去咗唔同嘅地方搵，就去咗唔同嘅地方度報案，但點知就搵唔到，提醒自己下次要擺番好啲嘢。」被問到記憶卡的內容是否很重要，她說：「之前去旅行嘅一啲片段，又有相又有片，冇驚俾人見到，如果驚俾人見到可能啲相已經出咗街。」
《麻雀樂團》宣傳活動。（娛樂組攝）
譚俊彥預告《新聞女王2》11月播出
講到有消息指《新聞女王2》即將在今年11月播出，譚俊彥回應：「係，因為之前街道就話預備喺台慶劇播，我哋睇過十幾分鐘嘅片段，對於今季非常有信心。」提到何廣沛宣布求婚成功，他表示：「我哋拍緊《新聞女王2》嘅時候都有談論過呢啲問題，傾完偈之後就恭喜佢，終於大個仔。」郭柏妍則透露有見過何廣沛的未婚妻，並表示：「佢係一個好好嘅女仔。」
ADVERTISEMENT
😋請你嘆香港迪士尼20周年下午茶👇立即登記👇
