鄭俊弘何雁詩兒子正式入讀特殊幼稚園 透露開學前全家超興奮瞓唔著
何雁詩（Stephanie）和鄭俊弘（Fred）於2020年結婚，2022年誕下兒子鄭讚廷（Asher），不過兒子喺1歲半經專家評估確診患上罕見遺傳病「天使綜合症」，二人曾透露得悉囝囝證實患病後曾陷入崩潰狀態，何雁詩努力調整心態令全家人為兒子重新振作，又與老公積極了解更多天使綜合症嘅資訊及接觸相關團體，發起慈善演唱會用歌聲令更多人認識天使綜合症及籌款。何雁詩和鄭俊弘去年底帶同Asher遠赴美國，接受為期3星期嘅密集治療，之後又宣布Asher由歲半入紙申請幼稚園，終於等到政府S位特殊幼稚園學位。昨日（12日），鄭俊弘於社交平台分享Asher首日返學片段，開展人生新階段。
鄭俊弘透露心情相當興奮
影片配上李克勤歌曲《開學禮》，從影片中看到，何雁詩和鄭俊弘齊齊帶Asher返學，著上幼稚園校服嘅Asher喺私家車上飲嘢，其後就被何雁詩抱落車，相信應該係行緊返學校；鄭俊弘揹上Asher嘅書包邊行邊拍片記錄呢個重要日子，何雁詩又拿起手機與Asher自拍。鄭俊弘透露心情相當興奮，寫道：「今日係阿仔第一日返學，我哋全家都超興奮，尋晚都瞓不著，今天是你的開學禮，我祝你青出於藍。」唔少網民都留言送上祝福。
原文刊登於 Yahoo 娛樂圈
ADVERTISEMENT
😋請你嘆香港迪士尼20周年下午茶👇立即登記👇
