Sammi入戲院撐《飯戲攻心》。
天后鄭秀文（Sammi）近日頻頻入戲院撐港產片，並每次都會跟大家分享觀後感，繼《明日戰記》、《緣路山旮旯》之後，今日（24日）凌晨她上載看完《飯戲攻心》的自拍短片，並大談感受。
片中Sammi以便服打扮，戴上紫色圓型眼鏡，造型前衛，她曬出票根，而將前往歐洲工作的她興奮表示：「啱啱睇完《飯戲攻心》，好睇呀！感動又好笑，又有意思，所有演員又做得好好。」而在配文中，Sammi再大讚電影寫道：「Yeah!! 啱啱睇完。好睇！今晩入戲院看「飯戲攻心」，故事很有意思，但又有好好笑的情節。演員們的互動尤其正，讚！睇完這電影，有種暖笠笠的感覺。#身體力行入戲院#看完會細細思考家的意義#跟住就很期待子華的毒舌大狀。」其後鄧麗欣（Stephy）、張繼聰也留言多謝Sammi支持，Sammi亦有回應，再次大讚眾人好戲。
