4年未開過紅館演唱會嘅Sammi鄭秀文，即將於7月舉行紅館演唱會，並且喺今日進行優先訂票。近年唔少演唱會門票開售，都導致網路大塞車，今次Sammi演唱會優先訂票都唔例外。多位fans喺Sammi facebook post相，見到佢哋網上輪候位置都去到2萬幾位，至少要等3個鐘！
雖然條睇唔見嘅人龍好長，但有fans話最終排咗個半鐘就買到飛。亦有人等完一個早上，但係無端端被系統「彈走」，要重頭登入再排隊。除咗香港歌迷等住見Sammi，亦有台灣、加拿大、英國等地fans留言，希望見到Sammi去到當地開show。
原文刊登於 Yahoo 娛樂圈
