栢天男稱，已Fish一票，而且真心覺得對方演技好。
廖子妤(Fish)、栢天男今日出席時裝活動，有份角逐《香港電影金像獎》「最佳女配角」的Fish透露，正忙於選購戰衣，有找私人健身教練陪操肌，以及積極護膚，期望以最佳狀態亮相紅地氈，她說：「有幾件戰衣挑選緊，著衫自己喜歡配合五行，所以金像戰衣都唔例外。」
Fish與栢天男，今日一起出席時裝活動。
Fish指，她的金像戰衣有很重金屬元素，怕自己太瘦撐不起，所以找教練健身操肌，期望以一副靚身型示人，「自己一唔做運動身材就縮，所以要搵教練操番大隻啲。」談到其男友盧鎮業(小野)亦有份角逐金像獎影帝，Fish表示不會幫男友揀選戰衣，又指已約黃子華、王丹尼一起行紅地氈，「成日都對住，金像獎咁重要，想同自己電影團隊一齊多啲。」
栢天男有份主演的《毒舌大狀》，今屆金像獎獲多項提名，他稱慶幸自己能夠參與演出，因為能夠和多位好戲之人合作獲益良多，問他有沒有投Fish一票他說：「緊係投俾阿Fish，我哋戲裡面飾演兩公婆，雖然同佢係冇咩嘢講，不過同佢係有好多內心戲，佢演技超晒班，有信心佢可以攞獎。」
Fish指，將聯同《毒舌大狀》劇組一起行紅地氈。