Beanies成員釗彤Chiutung推出今年的solo歌曲《不是你的形狀》。
唱作女團Beanies成員釗彤(Chiutung)，上星期推出今年的solo歌曲《不是你的形狀》，MV亦於日前上架。選擇在3月7日《ILUBeanies聯校Live》當日推出solo新歌，Chiutung透露是因為想在show day當日送上新作品給樂迷，她稱：「距離上一首solo歌曲《Say Nothing》已經係隔了五個月的時間，由完成咗上一首歌之後已經開始籌備呢一首歌，寫好Demo之後一直都未搵到一個適合嘅監製，直至到我遇到陳考威，所以，好想將呢首作品喺開show嘅時候可以唱畀大家聽。」
新歌《不是你的形狀》，作曲及填詞都是出自Chiutung，當她創作時是在寫一個愛情故事，關於兩個不同性格的人在一起，卻不想改變自己去迎合對方，所以都是選擇分手，而歌名方面，卻是受到2018年日劇《雙重幻想》(Double Fantasy)啟發，她笑說：「我好鍾意睇日劇，而呢套日劇裏面，當男女主角『做愛做的事』嘅時候，男主角同女主角講『你已經唔係我嘅形狀喇』，歌名係來自呢個幾得意嘅情節出現嘅。」曲風上面，Chiutung與監製陳考威溝通了很久，Chiutung表示：「到底要一個乜嘢嘅style，一直都好願意嘗試不同嘅風格，所以過：「巧合地，陳考威了解完我嘅聲音及性格後，佢建議我玩Pop Rock，佢一講我就已經好鍾意，可以玩一直好想彈嘅電結他。」
恨到有MV男主角
過去的歌曲MV，Chiutung都是自己一個演繹，今次，終於恨到有男主角同自己一齊拍MV，她說：「今次呢首歌係講兩個唔同性格嘅人走埋一齊，最後都係覺得大家唔適合，應該要保持返自己嘅形狀，所以同男主角都有一啲互動去演繹呢首歌嘅故事。喺出Teaser嘅時候有一個親熱嘅鏡頭，所以喺未有完整MV之前fans都好緊張，以為我會奉獻咗個螢幕初吻。」今次，是Chiutung第一次拍有劇情需要的MV，所以拍之前她很緊張，因為不肯定自己的演技能夠應付得來，「每日對住塊鏡練習表情，而喺造型方面，本來諗住今次呢首歌係講一個女仔唔想為男仔扮可愛，但導演為咗將個故事完整地拍出嚟，為我設計咗一個非常可愛嘅造型，當然，亦會有另一個好有型嘅造型，當中嘅對比好大，但兩個造型我自己都私心好鍾意！」對於2024年，Chiutung計劃於年底可以推出一隻Digital EP，並稱：「今年預計會出三至四首歌，不過，而家時間上面都仲安排緊，因為啱啱完咗show，所以仍然努力籌備當中。」
