鍾嘉欣自認長期忽略老公。
現年41歲的鍾嘉欣2015年與脊醫老公Jeremy Leung結婚，婚後先後誕下兩女一子，一家五口定居加拿大，生活美滿又幸福。鍾嘉欣近年經常返港吸金，日前她接受網上節目《絲打圍爐》訪問，就自爆忙於生活，長期忽略了老公Jeremy，更多次被老公投訴。
鍾嘉欣自爆當年主動向老公表白。
鍾嘉欣透露與老公的相識，是其胞姊介紹的，不過強調本意並非相親：「因為我冇乜朋友，佢（家姐）想搵個人係外國返嚟而唔識中文，又唔知我係娛樂圈嘅，可以同我傾偈嘅人開解我。」鍾嘉欣指起初二人只是朋友，僅有電話聯繫，後來得知Jeremy也認識她爸爸的親戚，感覺有些緣份才逐漸增加熟絡，她更自爆被狗仔隊跟拍，Jeremy在電話中聲線非常平靜地教她放鬆自己及如何應對，成功打動了她，其後鍾嘉欣卻主動向對方表白：「我覺得好舒服，傾傾吓我向佢表白囉！『嘩，我好鍾意你呀』，我話『我都鍾意你嘅，你鍾唔鍾意我咁囉』！」
鍾嘉欣向來都愛親力親為照顧子女，家庭事業兩兼顧，自認長期忽略了老公，被問及心中首位是子女還是老公，她笑言雖然知道老公會在意，但仍然會選子女是第一位，她坦言忽略了老公也感內疚：「譬如我飛嚟飛去啦，我返加拿大，佢哋會接我機，個個（仔女）都跑埋嚟『媽咪媽咪』，我老公其實都有張開手，佢其實都好想攬我。如果我同我啲仔女一齊，我老公會攬咗我先，但我一見到啲仔女，好似見唔到我老公，攬咗啲仔女先，其實佢係扁緊嘴。」
鍾嘉欣更透露結婚10年，二人都沒有拍拖過二人世界，亦沒有試過完整看完一套電影，有時雙方父母幫忙照顧子女，才行開一會食飯逛街：「佢成日想同我睇戲，但其實冇一次係睇完，10年喇結咗婚，未（完整）睇過一套電影。佢跟住就投訴『你唔同我睇埋套電影』，攰啊夜晚，湊完仔女、煮完飯、洗完嘢……想瞓覺㗎喇！」不過，鍾嘉欣表示現在會提點自己多放時間在老公身上。
訪問一出後，不少網民都指鍾嘉欣的10年婚姻暗藏危機：「夫妻相處時間好重要，其實老公投訴到出聲已經好有問題，佢仲笑得咁開心」更指她：「有冇咁誇張呀，10年一套戲都睇唔晒，又唔係3個仔女同時出世」。
