鍾柔美強調無拍拖。（娛樂組攝）
鍾柔美Yumi今日（2日）到金鐘出席美容活動。早前她被拍到與一名男子去睇戲，期間舉止親密，事後Yumi否認對方是男朋友，只是男同學。她說：「多謝大家好關心，我講明先，嗰個男仔係我同學嚟㗎，佢係好gentlemen，佢都好照顧其他同學，所以千祈唔好誤會，如果真係有咁距離（摸Pat ）我會出聲，大家唔好諗咁多。」Yumi表示公司沒有過問拍拖一事。
對於男同學跟她有親密動作，Yumi強調自己是當事人，自己如感受到一定避開。她稱男同學事後也有跟她說不好意思，因為他的照顧引來誤會，「我就覺得都過咗去就算，大家好清楚都無做乜嘢。」
她又再強調對方只是同學，沒有其他想法，亦不覺對方跟她有好感，跟對方沒有發展空間。「因為我清楚自己想要咩，萬一我有咩想通知大家，我一定會同大家講，大家唔好諗咁多，做好自己先。」她又稱公司沒有給予壓力。她續說：「自己啱啱又成年，仲係成長中階段，我仲係學習緊，尤其呢次被人影到，我下次會小心啲。」對於男同學跟她咬耳仔，Yumi表示只是身高誤差出現的美麗誤會。
談到Chantel指她多人追，Yumi笑謂對方才是，自己感覺不到，「我又無點留意」，更稱自己又要工作，又要去耍樂，沒特別有想拍拖的想法。她又稱會如常跟朋友外出，但自己會小心些。
ADVERTISEMENT
第3輪消費賞開始！勁送iPhone / 冷氣機 / BB車 / 空氣清新機！
