日前飲食專欄作家蔡瀾，喺今年三月跌倒受傷休養多月後，飛到馬來西亞吉隆坡出席自己嘅慈善書法展開幕活動，席間蔡san談笑風生，提到係因為救太太而跌傷，仲爆粗笑罵2位已故好友倪匡同黃霑「走得咁快，唔等我一齊！」。
網民：沒有醫美痕跡
而前立法會議員陳淑莊，以及息影多年嘅紅姑鍾楚紅，都飛到大馬撐場支持。當日嘅活動唔少傳媒都有報導，但主要係提到蔡san喺座談會上嘅分享，紅姑居然冇記者採訪？有網民分享當日喺書法展上嘅情況同照片，大讚紅姑「沒有醫美痕跡，沒有硬繃繃的膠感，優雅地老去，真好」，更指當日紅姑睇完展覽就去休息區等候，免得搶風頭，更令人對一代女神好感倍增。
原文刊登於 Yahoo 娛樂圈
