阮小儀外婆離世 遺憾未能趕及見最後一面：對唔住 我哋會乖

現年52歲的商台DJ阮小儀向來與家人感情甚好，今年年初二她才大晒為婆婆賀壽的合照。今晨（10日）小儀卻於社交網貼出外婆離世的消息，並為未能趕及見婆婆最後一面表示遺憾。

阮小儀在社交網貼出與婆婆的黑白合照，哀痛宣布婆婆昨晚離世的消息，她寫道：「多謝婆婆。昨晚（9日）趕到醫院 你已經走了……一切都可以唔痛喇，你可以舒服啲喇。本來諗住今日下午去探你，但已經遲咗，對唔住，我冇及時再抱一抱你。婆婆，你喺我心中，係一位可愛魔術師，你變出好多不可能畀我哋。唔知你仲記唔記得我同你嘅秘密：甲蟲指甲鉗，我永遠都會記得你點變畀我，多謝婆婆，再見婆婆，我哋會乖，請你放心。」不過，小儀今早10時如常回商台主持電台節目《早霸王》，期間未見異樣，表現十分專業。