阮浩棕在節目中提及不少自己過去的經歷。
阮浩棕主持的《人生美食地圖-東京篇》，今晚10點半翡翠台播出最後一集。日前一集，阮浩棕除了表示愛做奸角外，亦提到昔日跟嫲嫲梁舜燕合作的點滴，從對方身上學習到不少待人處事之處。他坦言因為是「上等人」的孫仔，確是多了不少工作機會，然而自身條件未ready、於拍劇時被狠狠地鬧：「拍《為食神探》嗰陣，係畀人鬧到飛起！每日返工都頭耷耷，全部談情嘅戲都做唔到，因為唔夠放。」來到最後一集，他就提起當年在內地開工被同組演員用實力KO。
阮浩棕大方分享當年與嫲嫲一起拍攝《EU超時任務》的難忘點滴。
阮浩棕憶述當初入行時，一度覺得自己懷才不遇：「當其時心雄吖嘛，覺得自己得啦嘛，但係當你見識多咗就發現唔係咁。」阮浩棕續指當年在內地發展的第一天，即需要拍攝喊戲，這一件亦讓他深刻體會到自己的渺小：「睇完劇本我係有感覺嘅，我都會好激動，但係到埋位時，我喊唔到。」阮浩棕又指當時同劇另一演員，不但喊得出，而且更控制好每一take都在同一個位置流下眼淚。
阮浩棕感嘆：「我望住佢係覺得點樣可以做到㗎呢？佢大我一年㗎咋喎，但佢領先咗我好多；即係我唔係懷才不遇，只係我都未去到嗰個位、未有呢個實力…係需要自己做得更加好，先值得俾人睇到。」Meter聽畢即要求近年演技已獲肯定的阮浩棕挑戰即場流淚，結果阮浩棕成功於8秒時間內流出真‧眼淚，令Meter為之驚艷，甚至連拉麵師傅也忍不住搞gag讚嘆：「好味到喊」。事後，阮浩棕貫徹謙虛本色謂：「識喊唔代表好戲嘅，喊係演戲其中一part。」
阮浩棕憶述當初入行時，一度覺得自己懷才不遇。