陳凱琳與陳安立出席活動，推廣低碳環保綠色生活。
陳凱琳(Grace)及陳安立日前出席港鐵舉辦「綠鐵B『動』樂日」， Grace出任活動大使，推廣低碳環保綠色生活，她攬實「綠鐵B」拍照並謂：「呢日我都想帶小朋友嚟，但係我怕做嘢照顧唔到佢地。依家哥哥都會喺屋企做家務，做吓垃圾分類，小朋友唔驚烏糟嘅，大仔依家做咗細佬嘅榜樣，二佬見佢做咩就跟住做。」
陳凱琳平日愛以電車或港鐵代步。
Grace笑言自己不時會坐港鐵過海，即使代步都用電車：「其實小朋友都好鍾意搭港鐵，成日都話要坐，佢哋仲有自己張八達通卡，但我教佢地唔好亂咁『嘟』，因為入面有錢係父母好辛苦搵翻嚟嘅。依家會教佢地理財，等佢地有個概念。」她提到自己早前往歐洲fashion week，自己貪平只是坐地鐵出入。
擔任大會司儀的陳安立自爆老婆會著他的二手衫：「我平時好少買衫嘅，都係著贊助啲Product，而著舊咗就傳比老婆做睡衣。之前岑樂怡狂Sell我環保信息，仲講到有『環保M巾』，雖然佢冇講自己有冇用，我都介紹比老婆知，如果要幫佢洗我都唔介意。」
