方健儀問Grace陳凱琳被指非親生，她稱爸媽都不在意，自己懶理出面如何講。
現年34歲的陳凱琳(Grace)近年成功轉型做KOL，早前有平台公布「2025第二季IG廣告銷售額最高KOL排名」，陳凱琳再次居第一位，成為最高收入KOL。日前Grace接受方健儀的網台節目《女人方言》訪問，她直言不喜歡「最吸金KOL」的稱號，更回應推出的朱古力被指難食，及與父母不似樣的傳聞。
Grace指轉型KOL，關鍵其實是與老公鄭嘉穎有關，當時遇上疫情，兩公婆認真思考將來，言談間，她發現自己拍戲熱誠不及老公，於是轉型網上拍片。不過，對於被外界形容為「最吸金KOL」，她直言絕不喜歡這個稱號，「我唔鍾意用金錢來衡量一個人嘅價值。我同小朋友講，錢係一種道具，俾我哋生活，但唔係用呢一樣嘢來變成一種身份。」她續說：「而家係top，但遲啲或會drop，我唔想用佢來衡量我嘅滿足感及存在價值。」因深受品牌歡迎，Grace曾被網民指「老是常出現」，她就表示有擔心觀眾見得自己太多，覺得她常常賣廣告，所以堅持跟其他朋友合作，製作《歡迎光琳》系列。
Grace早前開設自家朱古力品牌，不過「媽咪麵朱古力」及「朱古力大福」連環惹負評，更被「食評師」直指難食，她坦言其實一早預咗：「我係第一次做飲食生意，已經知道飲食係好容易會出事，因為每一個人嘅口味都唔同。」她亦提到負評片段：「你問我，我覺得都係搏少少流量嘅，因為一個人覺得唔好食，其實佢都唔需要特登去拍片，糟躓你嘅食物，有啲人會話浪費食物，但我睇到呢件事我好明白佢嘅心態係咩，我就覺得唔緊要。」
Grace又指，研發「媽咪麵朱古力」時有試味，「其實我自己覺得冇問題，我覺得OK嘅，如果佢唔鍾意，it’s super fine，我係OK。」至於「朱古力大福」，她則承認有做得不好，主要是partner好早做咗，再放雪櫃所以硬咗，並謂：「如果我哋有出錯，我哋一定要承擔呢個責任，同埋say sorry，咁咪Move on囉。」
早年，Grace與孖生細佬Derek 因外貌與父母有異，一直被質疑非親生，她直言沒有因此而不開心：「我冇㗎，我冇事，我真係冇事！」她強調最重要是向當事人了解，並透露父母反應：「當我爹哋媽咪都話冇嘢，咪俾佢哋講，冇乜嘢，我仲嬲嚟做咩？最緊要處理咗佢哋嘅情緒各方面，佢哋真係由始至終都冇嘢，『我哋真係你爹哋媽咪呀嘛，咁我哋可以點做啫？』咁人哋叫我去做DNA test，唔通佢哋話我哋唔係就唔係？」
方健儀問Grace遇到負評有否向老公鄭嘉穎尋求意見，陳凱琳笑指：「我冇諗過我自己最終會同一個咁嘅人一齊，我哋真係我見到最一凹一凸嘅一種人。」她指自己性格外向，喜歡結交朋友，但老公的朋友卻一隻手指數得晒，二人性格相反，卻可以互補，她說：「好多時候佢有啲嘢睇唔開時，佢話點解會咁，我亦可以分享到我呢邊；而我頭先講到有啲嘢，我覺得啲人點解會咁樣做或者咁樣寫，佢就會同我講真係唔使點理，最緊要你問自己你係咪想做呢個生意，你係咪想keep on going。」