2025-07-20 12:14:15

陳卓賢Ian愛犬雞髀驚喜「現身」終極尾場颱風下陪唱新歌《樹會流眼淚》

陳卓賢Ian《 IAN CHAN "TEARS" IN MY SIGHT SOLO CONCERT TOUR 2025》從去年7月19日香港亞洲國際博覽館啟航，經歷英國、澳洲等多站演出，昨晚(19日)適逢一周年在澳門的銀河綜藝館舉行終極尾場。演唱會雖因颱風韋帕來襲提早30分鐘開場，但無損場內氣氛熾熱，Ian更感謝大家無懼風雨前來欣賞演出，而在第二次encore詢眾要求下，Ian首唱新歌《樹會流眼淚》，為整個海外巡唱畫下完美句號。

陳卓賢Ian於澳門舉行巡唱《 IAN CHAN "TEARS" IN MY SIGHT SOLO CONCERT TOUR 2025》終極尾場。

提早開場感謝風雨不改支持

颱風「韋帕」襲港澳，為安全起見，主辦方昨午宣布提早30分鐘於黃昏6時半開show。Ian開場唱畢《Lost at first sight》及《DWBF》後，感謝觀眾風雨不改支持，說：「Hello大家好，歡迎嚟到《 IAN CHAN "TEARS" IN MY SIGHT SOLO CONCERT TOUR 2025》尾站嘅最後一場，好多謝大家無懼風雨，都嚟到呢度，好多謝你哋。今晚呢個場就好free嘅，雖然出面好似落好大雨咁，但係呢度好安全，大家亦可以想做乜就做乜，想笑就笑，喊就喊，想企起身就企起身，想坐低就坐低，所以希望大家可以盡情享受。」

保證不cut歌狂派心派飛吻

Ian隨後又窩心說道：「今日提前咗開始，希望大家可以返到屋企，因為知道除咗澳門，仲有香港同其他地方嘅朋友仔，大家返屋企都要啲時間，所以今晚捉緊時間，多謝大家嘅陪伴，雖然早咗完，但係都唔會cut歌嘅，我唔係好叻talk，就不如盡量啲talk位減少。」接著Ian便一口氣唱出《Distance》、《Thank You Mr. Postman》、《地球上的最後一朵花》、《鯨落》、《另一個諾貝爾》和《留一天與你喘息》，更不時派心派飛吻，令一班fans開心尖叫。

約定後續開live

作為巡演終極尾場，陳卓賢更特別準備驚喜，在第二次encore時，斜揹著貌似愛犬雞脾的毛袋可愛登場，送上全新作品《樹會流眼淚》。新歌以「樹」為意象，細膩描繪一段沉默而深情的守護，歌詞「這棵守在窗邊的大樹，日夜默默看顧窗內的你」延續他一貫內斂的情感表達，以標誌性的溫柔聲線，演繹「樹為你流眼淚」的無悔付出，令全場動容。接著Ian又表示：「今日咁早同大家Bye Bye，又唔係幾好，有冇人今晚返到屋企仲可以開IG Live?」當聽到全場尖叫，Ian 即相約大家今晚網上見，然後他再唱出《背伴》及再演繹一次《DWBF》，演唱會便告圓滿結束。