2025-08-11 09:15:00

陳奕迅澳門演唱會｜Eason兩度encore唱近4個鐘以首支派台歌《時代曲》作結(有片)

陳奕迅(Eason)今晚(10日)於銀河綜藝館舉行《FEAR and DREAMS 世界巡迴演唱會》終極尾場，全場爆滿，觀眾等候開場期間吹哨子高呼Eason名字，未開騷已興奮。Eason父親、太太徐濠縈、女兒康堤(包包)、謝安琪、張繼聰、AK江𤒹生、劉浩龍等都有入場，阿徐和包包看得非常投入，不時站起身隨節奏擺動。

陳奕迅《FEAR and DREAMS 世界巡迴演唱會》澳門終極尾場。(林俊源攝)

公開多謝妻女為經理人平反

演唱會於8時25分開始，當唱到《今日》時，不少觀眾都有默契地亮起燈牌和各式各樣的橫額，自動自覺地和唱，Eason亦揮手和大派飛吻作回應，場面溫馨。當唱到「Doubtless」部分，Eason唱《與我常在》、《忘記歌詞》和《Life Goes On》等歌曲時，觀眾都大合唱，氣氛高漲。

Eason在唱畢《我們萬歲》後，逐一多謝音樂團隊，尤其是音樂總監Jerald，全賴對方才有今次演唱會的編排，說畢兩人互擁。當然他亦不忘多謝太太和女兒，「佢唔係好鍾意咁公開多謝，我老婆同個女，好尷尬，千祈唔好望佢。」接著，他多謝經理人及今次世巡的製作拍檔甘菁菁，他指對方為今次演唱會經常被罵，「好慘㗎！佢成日俾人鬧，對嗰鬧佢嘅人，我淨係想講一句：『咁叻，你哋做吖！That's it』。」他自言好衰，等這個show完了，唔使負責任。」接著他送上快歌Medley，於11時唱畢正式歌單所有歌曲。

感觸唱《K歌之王》多謝林夕陳輝陽

在encore時段，Eason率先送上《K歌之王》，他特別多謝陳輝陽作曲和林夕填詞，他感觸說：「如果唔係呢隻歌，如果唔係陳輝陽同林夕，我諗……唔識講，好多謝佢哋兩個。」當晚陳輝陽亦是座上客，他坦言，「我得到好多好嘅歌曲，係好幸運。」接著唱出由張繼聰於2020年作曲的《防不勝防》本打算尾二場唱，當得知對方睇尾場，立即安排在昨晚唱。唱畢，Eason笑言不用再擔心身體狀況影響演出，他強調享受舞台演出，但終於可真正放鬆，「我係一個唔係好鍾意飲酒嘅人，但今晚我要飲酒！」他更說笑叫大家別要拍下他的醉態。接著他接連唱了《粵語殘片》、清唱幾句《傷信》和半首《綿綿》、《沙龍》、《你的背包》、《黑暗中漫舞》、《人來人往》、《之外》、《浮誇》和《黃金年代》等合共11首歌。Eason又勸大家抱著放輕鬆心情睇演唱會：「有時睇演唱會唔使做專家，俾錢入嚟放鬆，千祈唔好諗：『睇死佢今日點！』其實自己都好辛苦。」

大時代首支派台歌

在第二度encore時，Eason背著結他再次升上舞台︰「其實一路諗有邊隻歌做完結，對我有意義，除咗參賽(新秀)歌《望月》，就係我人生第一隻正式派台作品，當時喺華星唱片，與監製江港生先生，喺旺角太平道佢屋企一齊寫，佢話︰『你寫歌啦，你識唔識寫？』我話唔識呀！於是彈啲chord，就一齊寫咗隻歌。而填詞就係當時好出色，到而家都咁出色嘅黃偉文譜上，加埋好好嘅編曲……就咁樣第一隻歌，在大時代出現咗，所以喺呢度好想返去我1996年8月16日出嘅碟，陳奕迅大碟嘅歌《時代曲》，送俾你哋。」Eason自彈自唱《時代曲》後，觀眾揮手道別︰「後會有期！Love you all.」演唱會於凌晨12點23分才正式結束，唱足4小時，共唱了逾45首歌。