何超儀與LMF一齊同台合唱，全場high爆。
《The Wild Ones Music Festival》於昨日(2日)舉行首場，表演嘉賓包括有︰何超儀、Alan Po 布志綸 、 NoWhere Boys 、Dear Jane 、 LMF等等。超儀除了跟樂隊The UniBoys表演外，更邀請劉以達齊齊Jam歌，臨近尾聲亦與LMF同台演出，搞到全場數千「Band友」熱血沸騰！今日(3日)則會有陳子聰上台。
同陳子聰唔啱歌路
超儀與達哥接受訪問，表示今次可以有不同樂隊表演感到很開心。提到二人再同台，為何不考慮跟老公子聰一齊表演，她說︰「我試過同佢唱過嘢，不過點解合作唔到，因為唔啱歌路。」達哥表示可以跟廿四味合作，但只限伴奏，笑謂自己個口「搞唔掂」，並透露自己今日也會到場支持，但不會上台jam歌，唔好霸住個舞台，下次搵多啲Band嚟玩，都有好多未邀請。」
超儀與同子聰都有傷病在身，笑言在家中「互照」對方：「依家行唔到咪叫佢幫我斟杯水，其實我哋好怪，佢怕熱我就怕凍，呢啲天氣佢仲話想開冷氣，我就死啦喎！我趁佢唔覺偷偷開個暖氣，搞到佢瞓瞓吓成頭汗。」
何超儀與劉以達盼在未來日子再有大型band友活動。