劉佩玥和陳山聰今日（21日）化身新郎哥和新娘出席《奪命提示》宣傳活動。（娛樂組攝）
劉佩玥和陳山聰今日（21日）化身新郎哥和新娘出席《奪命提示》宣傳活動。講到在劇中二人有大量的親熱劇情，其中有一幕狂熱的親吻戲，陳山聰笑言：「頭就撞到頭，不過唔係額頭就係膝頭，劉佩玥衝埋嚟記得錫之外，又唔記得跳起。」劉佩玥指是因為太緊張才影響演出表現，陳山聰則笑言：「有一幕唔小心撞到牙，因為一take過一定要全程投入去做。」
陳山聰日前（18日）在社交網分享了一張眼貼紗布的照片。
陳山聰指眼睛嚴重發炎已經康復
至於早前有指陳山聰眼睛嚴重發炎兼生瘡，陳山聰表示：「眼睛狀況就好晒，其實最嚴重就係上個禮拜日宣傳嘅時候，所以又要戴眼鏡同埋遮住，其實係因為發炎發得好勁，因為知道要飛來飛去做騷，同埋做宣傳，所以就即刻去醫務所做咗個小手術，現階段已經冇事。」講到病情是否會有機會復發，他說：「每年都會生一次，我每次拍監製Jazz嘅劇就會生，我諗住今次冇生可以逃過一劫，點知劇集播出街就生，呢一個係命運注定我每年都要生一次，就可以繼續拍監製Jazz嘅劇。」他透露因為抵抗力和化妝沒有完整落妝，所以出現發炎的情況。
【立即參加】送Rollink全球最輕薄可摺疊手提行李箱🧳！
