陳慧珊和林保怡出席《刑偵12》晚宴。（娛樂組攝）
陳慧珊（Flora）和林保怡今日(20日)出席《刑偵12》結局晚宴，這次是二人繼《鑑證實錄》和《妙手仁心》再次合作拍劇。今晚，《刑偵12》台前幕後同場，陳慧珊的親表弟海俊傑亦有現身，造就表姐弟罕有同框。
林保怡和Flora接受訪問表示：「我哋相隔幾耐再合作就唔係好記得，不過我哋每一年都聯絡嘅，之前多咗聯絡可以一齊唱歌又一齊做嘢。」Flora則表示：「佢每年生日都有send Happy birthday俾我，啱啱我五月生日，佢都有發訊息恭喜。」林保怡表示：「之前鍾澍佳同我講話《刑偵12》有個彩蛋，如果搵Flora得唔得呢？我試吓打電話俾佢啦！」Flora笑言：「當然林保怡打俾我，我就即刻Say Yes，所以就好開心，就係緣份，就係大彩蛋。」Flora繼續笑說：「我第一次見到你做一個好唔同嘅角色。」
講到許多網民留言指《刑偵12》劇情「唔夠喉」，林保怡笑言：「我喺網上面睇到好多朋友都話唔夠，話我就咁出一場真係好唔夠，又問我會唔會有續集，如果有續集都好，等我同鍾澍佳講。」Flora突然分享：「原來我喺《壹號皇庭V》都有同林保怡合作，我唔記得咗。嗰陣時係我第一套劇，而家睇中文都睇得好慢。」被問到是否有機會再次看到二人合體演出，林保怡主動提議：「《鑑證實錄2026》 。」陳慧珊則表示：「即刻要寫劇本，張松枝都有份，我表弟海俊傑嗰陣時都有份拍，仲有李珊珊最近都出返嚟。」
被問到會否考慮二人合體合底亮相內地綜藝節目，林保怡說：「我真係唔知，可能會突然之間開一個小型演唱會，一個半鐘嗰一種。」陳慧珊則笑言：「我唱，我出過三隻碟，我好耐冇唱歌，都20幾年啦！」至於會否考慮自薦擔任BIG FOUR紅館演唱會嘉賓，屆時與許志安合唱《苦口良藥》 ，Flora笑言：「你問佢哋啦！唱歌真係要練，真係唔係求其出嚟唱歌。」提到最近Flora有最新的工作動向，Flora回應：「最近同深圳一個Centre做一個教育計劃，遲啲先會再講詳情，真係好開心可以認真為一啲教育工作者同埋學生放鬆心情，叫佢哋做嘢唔好咁緊張，能夠明白自己多啲。」
