Kelly與馮德倫和雷頌德合體唱《紀念日》，掀回憶殺。
陳慧琳（Kelly）10場演唱會《陳慧琳Season 2萬人結界演唱會》昨晚（27日）於紅館舉行尾場，在Kelly與Super Band環節，50歲的馮德倫（Stephen）孭住結他驚喜登場，與舊拍檔雷頌德合體經典組合Dry，連同Kelly合唱《紀念日》。上周日因颱風襲港，Kelly演唱會被迫延至昨晚補場。觀眾因禍得福，與Kelly共度今次演唱會尾場。轉眼來到最後一場，Kelly特別感觸，當在台上多謝幕後團隊時，已忍不住眼泛淚光。到兩邊天橋升起，她看着台下熱情的歌迷，終忍不住落淚說：「唔知我哋下次幾時先再見，係咪十年後，你哋都仲會嚟睇我嗎？」歌迷齊聲高呼：「會呀！」Kelly笑說：「你哋睇，咁我繼續唱啦！」
昨晚在Kelly與雷頌德、豹哥單立文、Joey Tang合唱《紀念日》的環節時，原主唱之一馮德倫驚喜現身，歌迷歡呼聲震撼紅館，不單是組合Dry重現舞台，更是《紀念日》三位主唱難得重聚的一次。雷頌德望着Kelly說：「證明呢個世界有平行時空，隔咗咁多年我同Stephen鬚都白埋，但中間嗰個依然冇變。」上一次《紀念日》齊腳是2013年，轉眼已相隔十二年。Stephen表示不知演唱會因颱風延期，並笑說：「我前晚係諗住問阿Mark出唔出嚟飲咖啡，結果佢淨係叫我嚟做嘢，冇覆我飲唔飲咖啡。」台下歌迷高呼叫他們多些合體，Mark說：「我退咗休。不如講下我哋點解散，我哋嗰時好多嘢做，但冇賺過錢，因為冇商演。賺得最多係Fans送嘅公仔。」豹哥聞言笑說：「你哋叫Dry梗係冇錢啦！」Kelly說：「網民話你哋年紀大咗，可以叫Dry Martini。」留了白鬚依然有型的Stephen笑說：「咁我咪要叫Stephen Yoshi，會型啲。」Kelly立即指住Stephen心口：「人哋露點㗎！冇露就唔係Yoshi。」在旁的Mark一臉茫然問：「Yoshi咩嚟，我唔識。我真係退出咗。」Steven笑說：「你返去玩馬啦！我仲係好trendy。」場面搞笑。
立即更新/下載AM730手機APP 體驗升級功能
