陳欣茵宣布離TVB 出道5年獲封J2女神 網民支持：恭喜你重獲自由
近年越來越多藝人離開TVB，最新就有入行5年的J2女神陳欣茵Yanyan）喺噚晚（4日）宣布回復自由身，約滿離巢TVB。
現年27歲嘅陳欣茵樣子甜美又可愛，喺參與《#後生仔傾吓偈》時已經話題性十足，因為佢就讀香港理工大學嘅紡織及製衣學系（內衣設計）學士。另外，佢喺2017年已經網紅熊仔頭拍短片，又登上過「Yes校花校草」。2018年尾，佢加入無綫成為《#後生仔傾吓偈》KOL主持，其後獲得唔少演出經驗，例如《Y Angle》、《姊妹淘》、《學是學非》、《呢鋪開乜：開壇》、劇集《青春不要臉》及《痞子殿下》等等。
唔少網民留言表示支持，例如「欣茵加油 事業向前衝 更上一層樓」、「非常好，你經歷咗咁多嘢，之後拍咗好多唔同嘅節目，我相信你嘅未來一定會更加精彩，繼續努力加油，我會支持你」、「恭喜你重獲自由 希望你日後有更大既舞台，可以做更多自己想做既野，亦等更多人認識你會一直支持你」、「一定會繼續支持欣茵」、「支持你,多嘗試不同發展,祝你揾到更好的路,加油」、「欣茵加油 祝前路一片光明」及「恭喜晒 跳出框框！！有job適合一定搵妳，加油 前途無可限量！」等等。
原文刊登於 Yahoo 娛樂圈
