陳自瑤與謝沇錤(左)合作多年，二人的上圍絕不惹少。(娛樂組攝)
陳自瑤(Yoyo)再度冧莊成為豐胸代言人，今日她以上一件閃閃的bra展露C cup豐滿上圍，中間的波罅絕對是夾死蟻，絕對是fit到漏。她表示已經連續7年簽了4次合約，酬勞上都是開心價。提到過去的廣告照都是在戶外沙灘、島嶼拍攝，Yoyo表示今次都有，但今次會有一些新意思。
問到今次的廣告造型，Yoyo表示都是以靚為主，合共有4個造型，自己亦為今次拍攝，做療程比較密。她稱一直都有做療情的習慣，但近日就會做得更密，自己平日也會keep fit。她自言很滿意自己的身材，「整體望落去要靚，均勻，整體感覺一定要靚！」她亦不忘再次讚療程很有用，令她升cup不少，自己也會用公司的豐胸膏保養。
陳自瑤很滿意自己的身材。(娛樂組攝)
談到囡囡現在都13歲，會不會跟她討論扮靚話題，她說︰「都有，主力係塊面，要多啲保濕，但佢始終都係小朋友，唔會同佢講身材呢啲。」問到囡囡有沒有向她透露有心儀對象，她表示囡囡會跟她分享學校的事，但就沒有提及自己有心儀的同學，自己也沒有禁止囡囡跟男同學來往，沒有特別規限對方的社交模式。問到囡囡有沒有特別的專長，她覺得女兒跳舞也不錯，但畫畫比較好，藝術天份頗高。
早前Yoyo出席蕭正楠及黃翠如BB的百日宴，她大讚BB很靚仔，自己覺得BB比較似翠如，是大隻B，「佢好得意！我覺得佢似翠如，因為鼻好高，多數男仔都係似媽咪。佢哋兩個都係靚仔靚女！」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
