陳自瑤(Yoyo) 今日（30日）出席電子產品活動。（娛樂組攝）
陳自瑤(Yoyo) 今日（30日）出席電子產品活動，Yoyo接受訪問憶述當年曾被封為「初代網紅女神」，她說：「嗰陣時係2000年嘅時候，網絡都仲未有咁發達，當時我都好少上網，好多年後先知啲人原來鍾意睇我啲相。」Yoyo透露女兒有看過她以前年輕的照片。
陳自瑤(Yoyo) 透露女兒有看過她以前年輕的照片。（娛樂組攝）
開直播前唔敢食嘢
提到最近在網上分享忙於在內地直播工作，連麵包也沒有時間吃，Yoyo表示：「真係冇時間食！可能有時候要着嘅衫，要符合產品展示身形，咁就唔可以食太多嘢。」至於會否向公司反映希望得到更好的待遇，她直言：「其實唔關公司事，其實純粹係我自己嘅做法，工作人員驚到會買嘢俾我食。」被問到直播帶貨的收入是否會比拍劇可觀，她說：「各有各可觀，帶貨睇產品銷售可能直接啲，拍劇就會間接啲，都要維持人氣，如果冇人氣又點會有工作呢！」
講到新劇《玫瑰戰爭》預告片率先播出，Yoyo指現階段正在趕工拍攝當中。被問到與那位演員對手戲較多，她說：「最多對手戲嘅人就係楊茜堯、陳豪同埋馬國明。」她分享新劇的主題圍繞娛樂圈中的藝人，揭開人性的黑暗面。
