張致恒一家開支大，曾透露每月家庭開支平均超過三萬元。
現年40歲的張致恒（Steven）和老婆區燕雯（雯雯) 一家長期財困，多年來兩公婆不時做「伸手黨」向網民拎錢。Steven 最近洗心革面返工，現時在寬頻公司擔任拉線工人，可惜一家開支大，生活仍是入不敷支，他曾透露每月家庭開支平均超過三萬元，其中約一萬五千元用來交租、五千元外傭姐姐，其餘則為日常雜費。雯雯日前與網民大玩「你問我答」，透露近日再次因為冇錢交租被業主逼遷，一家六口倒數一星期面臨瞓街困境！
昨日（11日）雯雯透露欠租一個半月，業主已限定他們一家要在「9日」後搬出，若以今日（12日）起計即只剩8日，不過一家仍然未找到下個住處，9日後可能要「7街瞓」！雯雯連環發文回覆網民表示：「冇屋住亦租唔起」、「其實冇地方可以去，冇得交今個月租，又點會租到新屋」、「準備冇地方住」，就連執屋的紙皮箱她都要向網民求助：「有冇人有紙皮箱或紅白藍袋可以幫下？」
雯雯就連紙皮箱也要向網民求助。.
有網民嘲她可以再嘗試放QR code 做「伸手黨」，不過今次雯雯就拒絕：「冇咁多好人，只會比人玩，真係好攰」亦有網民續問：「今鋪堅要瞓街？」她說：「之前係有好心人，所以次次唔洗發生，去到今次，我已經接受現實」。
amjetso 20周年大激賞│請你嘆香港迪士尼樂園酒店及迪士尼探索家度假酒店餐飲美饌
