Bboy Think(曾子驊)現身尖沙咀出席品牌店開幕活動。
現役霹靂舞香港代表隊成員Bboy Think(曾子驊)昨日(16日)現身尖沙咀運動品牌概念店開幕活動，談到他組隊「Good Job Brother」參加ViuTV街舞節目《Dance X Crew》，面對強敵「The Breakdown Station」和「CROSSOVER」被淘汰，個人對決不敵同是香港代表的C plus，Bboy Think坦言與C plus經常對戰，各有輸贏，不感失望，兩人惺惺相惜，反推動一齊進步。以個人而言，他睇好Tsoul的popping隊伍「Invader+」。
對於首次組隊參加電視節目比賽，Bboy Think直言不習慣面對鏡頭，談到在社交平台分享感言，對今次參賽略感後悔，他解釋：「我覺得自己逼咗隊友玩，其實佢哋唔係幾想上電視，比較內向，但我以隊長身份，都想俾大家認識我哋隊crew，完咗比賽我哋有坐低傾，覺得唔係好適合上呢啲節目。」他表示團隊共識是讓世界各地認識香港的霹靂舞。不過，能夠令Red Bull Dance Your Style 2024 World Final Champion的重量級評判MT Pop睇到彈起身，給予當面提點，為隊伍帶來創作靈感，他不忘補充，「這節目絕對能令更多人留意街舞，都係我哋其中一個目的。」問到可會向跳舞明星之路進發，Bboy Think坦言，「之前沒想過，有機會都可考慮，但要先冷靜，在節目上的自己，表現仍未好自然。」
ADVERTISEMENT
第2輪消費賞開始！勁送iPhone / 水波爐 / 行李箱 / 電飯煲！
