COLLAR成員Ivy So、P1X3L成員Phoebus和George出席ViuTV新劇《飛黃騰達》記者會。(蘇文傑攝)
由COLLAR成員Ivy So(蘇雅琳)、P1X3L成員Phoebus(吳啟洋)和George(歐鎮灝)合演的ViuTV原創劇《飛黃騰達》將於下周一(12日)年初三開播，3位聯同劇中一眾演員包括黃浚銘(波仔Boris)、陳安立(Brian)洪助昇(Aiden)、黎展峯(Andy)和胡卓希(Jason)、駱振偉(Thor)、張達倫、何洛瑤(sica)、楊安妮(win win)、許寶恆(Alice)、徐浩昌(肥腸)、陳曼娜(Manna姐)和梁文賢(Godric)等今日(9日)一同出席記者會，為劇集宣傳造勢。
Ivy So挑機：有冇Locker咁勁先？
劇集講述一眾參賽者在真人騷投資大賽中，經歷情義考驗的成長故事。Ivy So自爆試過用5,000港元買美股賺了200港元，投資經驗不多，拍劇後更感蝕多賺少，不敢再投機。George自言對投資零興趣，而Phoebus就因拍劇有睇書自學，但笑言未夠本金，一直沒有行動。談到新年願望，Ivy So表示，「最希望COLLAR演唱會順順利利。」Phoebus和George笑指Ivy開完騷就夠本投資，Ivy So即澄清，「唔係啦，我哋有7個人要除……」隨即來起哄，「除咩？」Ivy So沒好氣答道，「除條數，唔通除衫！」
Phoebus和George就大爆P1X3L好兄弟Marco去了荷蘭拍節目，談到對新劇的期望時，George希望拍第二季，至於會派甚麼福利？Phoebus搶先點名George除衫，George就再重任交給同劇的波仔Boris，問到會否騷肌時，Ivy笑問兩人，「有冇Locker(林家熙)咁勁先？」George尷尬笑言，「我哋唔係大表波喎未有住，遲啲先。」
初三開工為COLLAR新歌錄音
問到演唱會籌備進度，Ivy表示，「如火如荼，不過有唔同的驚喜項目，仍在籌備當中，本來已編好的舞或表演都會改少少，希望唔係一個雜錦騷，而係一個比較完整、給大家驚喜的演唱會。」她們將於初三開工錄音，為了以最佳狀態見觀眾，要禁吃賀年食品，「我應該會節制到，因為睇住啲衫就節制到，(有冇性感造型？) 我諗呢個騷最想讓大家看到COLLAR的不同面向，我哋每個成員都有特色，會有性感、型格和可愛的，大家應該會看到不同的COLLAR。」