張繼聰、謝安琪首次夫妻檔合作，二人表示感覺新鮮。
張繼聰和謝安琪(Kay)近日為電動汽車充電供應商拍攝廣告，這是二人首次以夫妻檔接job，他們表示感覺非常有趣和新鮮，廣告分三部曲，有不少恩愛對白，阿聰笑言：「同太太一齊做嘢就最好，唔使再報告行蹤！」
阿聰稱，汽車充電方便了，以後冇藉口再出夜街。
差唔夠電要懺悔
當被問到有否試過揸車時汽車突然冇電，笑言要懺悔的Kay說：「我會計算一下餘下電量，足夠來回先唔會充電。有次回程車埋朋友返屋企，喺高速公路塞車時，得返好少電，不過仲有一大段路先返到朋友屋企，除咗好驚外，以後都唔敢唔充電喇！嗰次真係一次寶貴教訓！」阿聰則相反：「我身為一家之主，所有計劃都會周詳啲，永遠會預多好多。」他又笑言預計電車電量，多到可以揸離開香港。
無藉口再出夜街
阿聰認為更多的充電配套，對男士一大喜訊：「我哋都係電動車車主，本身揸電動車係無敵，不過充電嘅問題。成日都喺商場見到好多男士等充電位，依家有咗更多充電地點，好多男人都唔使再焗喺商場咁『浪漫』，同無藉口再出夜街話揸架車去充電！」
