Ad Block Ad Block
娛樂
2022-07-03 13:24:10

馮允謙含淚唱《給缺席的人唱首歌》獻病逝祖母 邀AK做嘉賓:佢超級謙虛和友善

分享:
AK視Jay Fung為偶像,預告兩人有新合作計劃。 馮允謙含淚唱《給缺席的人唱首歌》給病逝祖母

唱作歌手馮允謙(Jay)一連4場「Have a JAY Time 2022 演唱會」,昨晚(2)在九展StarHall開鑼。期待10年的演唱會在3號風球舉行,Jay的雙親特地來港支持,但湊大他的祖母於兩年前因疫情病逝,無法見證他開個唱的重要時刻,Jay含淚獻唱為嫲嫲寫的新歌《給缺席的人唱首歌》。Jay的首場個唱請來MIRROR成員Anson Kong(AK, 𤒹)擔任嘉賓,AK獲偶像大讚跳舞出色,結他又彈得好。

Jay Fung憶起兒時與祖母生活的點滴,忍不住眼濕濕。 Jay與Asha合演吸血鬼三步曲。 首開個唱的Jay秘密練舞,在台上又唱又跳。

可惜嫲嫲缺席

昨晚Jay的父母及一眾親友、好友梁釗峰、林奕匡、蔡一傑、Mirror的正副隊楊樂文(Lokman)AK,以及同門師弟妹ANSONBEAN和雲浩影(Cloud)都有捧場。

Jay孭住結他穿過觀眾席走上舞台,以《A New Day》和《今天開始》為演唱會揭開序幕。他感激歌迷風雨不改的支持,感謝父母從加拿大來港睇騷,惟湊大他的嫲嫲缺席,他眼泛淚光表示,「有一個人,今晚我好想佢嚟睇我嘅演唱會,但係嚟唔到,係我嫲嫲。我哋關係好密切,細個爸爸喺香港工作,媽咪同嫲嫲喺加拿大湊我哋3兄弟,媽咪要返工,所以我大部份時間同嫲嫲一齊。我返嚟香港之後,打電話畀嫲嫲,佢成日都話我好叻仔,喺電視見到我唱歌,其實嗰段時間我無公司,無嘢做。我同佢講,將來開演唱會,要請佢嚟睇,唱歌畀佢聽。好可惜兩年前因為疫情佢離開咗,為咗佢我寫咗首歌《給缺席的人唱首歌》。」

Jay 與AK合唱《開始倒數》。 AK獨唱《黑之呼吸》,觀眾站起來跟住跳。 Jay換上黑色西裝,胸肌乍現的介紹AK出場。

AK預告與Jay再合作

為了今次演唱會,首開個唱的Jay秘密練舞,與徐㴓喬(Asha)合演吸血鬼三步曲環節,又唱又跳又演,有板有眼。其後Jay換上黑色西裝,胸肌乍現的介紹AK出場,「呢位嘉賓好大隻,跳舞好叻,請到佢嚟做嘉賓係Mir⋯⋯acle(奇績)」觀眾即時起哄,兩人合唱《開始倒數》後,Jay笑問AK:「我幫佢哋(指觀眾)問,你會唔會除衫?」AK反問:「依家?」引來全場尖叫,AK大賣關子稱,買演唱會門票入場就知,並大派定心丸,Jay必定有票入場。JayAK說:「佢超級謙虛和友善,我哋第一次合作就係兩年前,結他彈得好但好少表演,點解呢個人又彈得又跳得個人又咁好嘅呢?」AK說:「似你囉,你剛才跳舞都好掂喎!」還透露將有新合作,說:「我好開心,大家都知Jay係我偶像,我好鍾意聽佢唱歌,嚟緊我哋會有新合作,係咩?到時大家就知。」豈料Jay竟說:「我知道未㗎?」AK拖住他的手說:「你知,我哋錄咗㗎啦!」Jay才恍然大悟,全場爆笑。之後AK獨唱《黑之呼吸》。

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受