駱振偉自言仍未適應離婚後生活。(娛樂組攝)
駱振偉(Thor)早前宣布與Katrine 結束5年婚姻，今日（22日）他出席活動時受訪，自爆早前往丹麥拍節目時，確實有點觸景傷情，皆因抵步當日，正是他9年前首次踏足丹麥之日。Thor表示也有趁拍攝空檔，與Katrine的妹妹及妹夫見面，但時間關係，未能與前外父、外母見面。「zoom嘅時候都解釋晒，佢哋知道我哋嘅狀態，佢哋都好好，繼續係family 。」問到是否愛情失意，事業得意，Thor笑言有與前妻話「分開咗好似旺啲」，又話蘇民峰師傅批命時曾提到「你結咗婚啲女人唔旺你，唔婚OK」。
與前妻緣慳一面
其實Thor在丹麥拍戲時，前妻剛好也回國，他續稱：「我有約佢飲杯咖啡，但佢話要趕火車，咁又緣慳一面。（是否迴避你？）你哋唔好諗到咁。」問到蘇民峰有否算出他下一段姻緣，Thor表示：「佢話多啲異性朋友喺身邊會旺我。（你準備好下一段感情嗎？）我唔知，而家都係嶄新體驗，對上一段關係10年，而家回復單身係新嘅學習，仲適應緊，最似嗰個兄弟都係朱柏康。」他表示仍未完成離婚手續，但已在處理中。
與朱柏康激吻 收男人私訊
提到朱柏康，早前二人在金像獎慶功宴上深情擁吻，原來連駱媽媽都有過問：「呢單嘢連我媽都唔開心，唔好再講。佢話你講完離婚又咁樣，我話講笑，無人當我同朱柏康係真，佢純粹怕我畀人誤會。」Thor又再爆收到不少男人發出、不合情理的訊息，甚至早在婚前都有收到，但他呼籲大家別胡思亂想。