黃美棋去年與拍拖10年的鍾健威結婚，更專登重回舊地，到行運茶餐廳真身「鴻運冰廳餅店」影婚照。
童星出身的黃美棋，在8歲的時候曾於周星馳的經典電影《行運一條龍》中飾演「小芬女」，去年4月美棋與拍拖10年的鍾健威結婚，她更專登重回舊地，到行運茶餐廳真身「鴻運冰廳餅店」影婚照，為人生留下回憶。鴻運冰廳餅店去年尾不敵結業潮執笠，令一眾食客及影迷大感可惜，怎料相隔四個月，冰室「翻生」在太子原址重開，更邀請了美棋擔任剪綵嘉賓。
黃美棋在8歲的時候曾於周星馳經典電影《行運一條龍》中飾演「小芬女」。
美棋日前在社交網分享冰室重開的片段，見冰室保留了部份舊有裝修，設有多個打卡位，更新添了夜間甜品部，美棋透露冰室是有白武士拯救，並寫道：「返黎啦！『行運茶餐廳』正式回歸，其實佢真名叫鴻運冰廳⋯仲記得幾個月前收到『茶餐廳』唔做嘅消息，相信大家同我一樣覺得好可惜，不過最後有白武士救咗佢，仲活化翻新咗，夜晚有中式甜品食添呀，多謝冰廳邀請我成為剪綵嘉賓，見證呢一個歷史性嘅時刻…嚟緊假期，都好適合大家本地遊～如果你都想嚟食吓嘢打吓卡懷舊一下，嚟之前跟我睇吓有咩唔同。」
【立即參加】送Rollink全球最輕薄可摺疊手提行李箱🧳！
