麥明詩今日（19日）出席周大福「Joy Unlocked 解鎖奇遇」期間限定概念展示區開幕活動。（娛樂組攝）
麥明詩今日（19日）出席周大福「Joy Unlocked 解鎖奇遇」期間限定概念展示區開幕活動。她接受訪問表示：「生咗BB之後都唔會話要好劇烈咁樣減肥，運動同埋飲食都慢慢嚟。」她指現階段的狀態與產前有點落差。講到是否因為要專注照顧小孩而導致睡眠不足，她坦言：「最近真係瞓少咗，但係要起身睇住BB嘅次數都唔係好頻繁。」
麥明詩未ready三年抱兩。（娛樂組攝）
不考慮一家三口接工作
被問到孩子的中英文名，她說：「都想保障返佢嘅私隱，所以冇特別講佢叫咩名，始終對於佢成長都會有啲壓力。」提到與老公盛勁為「一家三口」拍廣告，她則澄清：「其實嗰個工作嘅BB係一個小演員，暫時都唔會同自己嘅BB有商業活動，因為都希望俾返選擇權BB，因為BB始終有佢自己人生條路要行，因為佢如果拍咗啲嘢，呢個世代就冇得返轉頭。」她強調不會因為酬勞而考慮一家三口接工作。提到會否因為生產後而影響情緒，她表示：「咁實會因為一啲位而情緒波動，頭嗰兩三個禮拜康復緊，要面對BB要飲奶都有壓力，因為始終嗰件事都未做過，要點樣先係正確嘅方法都要啲時間去練習。」講到是否有計劃三年抱兩，她說：「我好攰呀！都好想俾到佢一個兄弟姊妹，小朋友長遠嚟講有兄弟姊妹成長。呢一刻問我，我真係可能啱啱先開始瞓多咗，即刻諗就未ready啦！」
麥明詩指現階段的狀態與產前有點落差。（娛樂組攝）
回應愛子正面樣被林作母親公開
被問到愛子正面樣被林作母親公開，她回應：「可能因為我都溝通得唔夠清晰，但我對於關係嚟講，因為林作母親(Lily)對我有恩，當年選港姐Lily俾咗好多支持同教導，同埋都想同Lily保持一個良好嘅關係，最大嘅得着就係做人要睇開啲，去到今日大家無論係咩身份都好都要睇得開，我成日都會同老公同埋Lily都會聚會。」被問到會否因為這件事對林作媽媽生氣，她說：「我諗有陣時老人家，我應該係叫佢長輩先啱，佢嘅心都係好嘅，下次再溝通好啲。」至於會否將林作媽媽「睇開啲」的教誨開導裕美，她表示：「我主要係講返啲我身邊嘅朋友，或者對我緊要嘅人，其他人對我嘅事情或者想法，我真係顧及唔到晒全部，有咗BB就要Focus返喺家庭。」
