Juno將於7月與相識15年的周國賢在亞博開騷。(陳奕釗攝)
麥浚龍(Juno)今日(24日)出席中環街市舉辦的10日限定飲品活動，身兼策劃人的Juno，負責設計推廣場地，花了3個月時間籌備。他將於7月與相識15年的周國賢在亞博開騷，他透露現正為新歌錄音，早前亦已在西九音樂會已唱了一首已完成一半的新歌，對於在演出時大騷「麒麟臂」，引來歌迷尖叫，Juno表示並非刻意操練，只是疫情改變作息習慣，「不會刻意騷肌，因為疫情，畀自己一個早睡早起挑戰，依家每晚11點眼瞓，朝早7、8點就起身，加上運動好健康。」他預告下半年會寫電影劇本還片債，計劃下年將會開個人演唱會。
開工唔食嘢
首次獲梳打品牌邀請合作，Juno找來米芝蓮大廚好朋友Chef Felix，一起創作特色餐單，以梳打水獨特的微澀和豐富氣泡，帶出美食滋味。Juno認為品嚐美食，最佳方式就是在沒有大壓力環境下享受美食，所以他為大家設計的美食配飲品，一定要令大家感受放鬆。至於對飲食要求？他笑言：「我好奇怪，工作時完全唔食嘢，但不用工作時，最愛將自己鍾意食嘅嘢同朋友分享，同埋，熱嘢要食到好熱及好辣，今次餐單用咗花椒做材料，令大家感受到我嘅鍾意味道，同大家隔空溝通。」