黃日華近日接受好友李珊珊的網台《三坐山 Mount Trio》訪問。
現年63歲的黃日華自太太於2020年因病離世後，近年甚少公開露面，只在明星足球隊活動見到他的身影。近日，他接受好友李珊珊的網台《三坐山 Mount Trio》訪問，向來是「愛妻號」的他提到在太太離世後跌入人生谷底，曾經胡思亂想，幸得好友苗僑偉（三哥）日日陪伴，其間他更講到流下男兒淚。
黃日華入行多年，他先談到圈中點滴，而他最尊敬的前輩原來是「蝦叔」關海山，他憶起第一套擔正的劇集《過客》便與蝦叔合作，對方教他如何做功課、寫筆記，幫他分析角色，幫助很大；而另一位則是鄭裕玲(Do姐)，他回想當年：「DoDo姐一開廠就鬧我，佢話『你拎住咩嚟？』『劇本囉。』『劇本拎入廠㗎咩？劇本返屋企睇㗎嘛！你睇晒啲劇本，記晒啲台詞先返工吖嘛！』跟住一手將個劇本掉咗佢，『聽日開始唔准帶劇本開工！唔好阻住我哋收工！』」 黃日華自此在拍攝前都做足準備。
提到太太梁潔華生前曾患急性骨髓性白血病，黃日華擔當好老公角色，全天候照顧，問他當時如何排解情緒，黃日華表示：「唔好諗咁多嘢，你做一個照顧者就要全天候，全心全意為佢，我嗰時所有朋友都唔約，擘大眼起身就去醫院，返屋企瞓一陣又去醫院陪住佢。唔好諗太負面嘅嘢，盡量畀多啲正能量佢、氹吓佢，唔好諗自己先，係辛苦嘅，係壓力，個感覺係唔好受，唔好諗！向好嗰方面諗。」他續指：「去到最尾嗰幾日我知係咩結果，醫生都同我講晒係咩結果，你都要接受，等自己心情平復啲，去接受呢個事實。」珊珊問到當時他花了多久平復心情，黃日華坦言得返自己一個後，開始胡思亂想：「做好晒所有後事之後，一個人喺自己間房又開始會諗，點解個天要咁對我，唔畀一個好嘅結局？佢有講過，佢好想退休之後，大家孭住個背囊環遊世界，我好想做呢件事。但係點解我做唔到？我喺度諗，我都算係一個好人，點解要畀咁嘅結果我？嗰時開始你唔需要照顧人呀嘛，好多時間喺度諗嘢，胡思亂想，有比較差嘅心情。到個幾兩個月，三哥一路keep住搵我，『喂，出去飲茶！唔好成日匿埋喺屋企！嚟我屋企食飯！我哋去打波、傾吓偈。』多得三哥三嫂⋯⋯⋯」 說到這，黃日華不禁流下眼淚哽咽說：「佢將我喺一個最最最低嘅情況，最低嘅谷底拉返起上嚟，真係要好多謝佢。」並直言對方在他喪妻期間拋開一切，每日陪伴使他振作，黃日華更表示囡囡亦是他撐下去的原因：「太太冇咗，起碼都要照顧個女，照顧佢屋企人，好啲，唔會話得返一個人，如果得返一個人就好危險，分分鐘自己去埋。」
黃日華近年絕跡幕前原來有原因，他直言是因為頭號粉絲太太已經不在，「佢做戲雖然唔係話好叻，但係佢睇戲分析能力好高，所以我先有進步。佢走咗，又睇唔到我嘅戲，我做嘅嘢，冇人畀到意見我，我心諗，我做嚟做咩啫？冇人睇，佢都唔會再睇到。」加上黃日華自言戲癮不大，所以想休息一下，就連好友劉德華邀他拍戲也推掉了。
