黃淑蔓舉行了出道10年首個歌迷聚會暨生日party。
寰亞歌手黃淑蔓(Feanna)剛踏入24歲，日前出席fans為她籌辦的party，她表示這是出道十周年以來，第一個歌迷聚會兼生日會，她非常開心和感動。Feanna演唱新歌《未至於》和Whitney Houston的《I Have Nothing》回禮，並說：「冇咗你哋我真係乜都冇！」
黃淑蔓表示：「第一次fans meeting和生日會，所以好開心，我好多謝我啲聽眾？fans？係朋友。好用心咁搞咗一個聚會俾我哋，真係好開心可以見到咁多熟悉嘅面孔。」Feanna特別選唱《I Have Nothing》原因是：「我平時喺屋企練歌會唱呢首歌，每次唱都會諗起大家，因為歌詞講中咗我想同大家講嘅說話，冇咗你哋我真係乜都冇。尤其是第一句『Share my life, take me for what I am ～ 'Cause I'll never change all my colors for you～』呢啲都係我想同佢哋講嘅說話，所以有時喺屋企練呢首歌，會喊到傻咗。不過今日有少少偶像包袱，同埋少少緊張，只係有少少眼濕濕，未至於喊嘅。」
除了唱歌，Feanna與大家玩估歌名遊戲，更幾乎講出每位舉手搶答的fans名字。她表示雖然平時記性麻麻，但因為不少fans追隨了很多年，都是熟悉的面孔，加上去年做了一件事加深記憶，她說：「去年聖誕節，我決定寫聖誕咭俾fans，盡力好好記住每一個名字。」
當日Feanna在服裝上亦花了小心思，她笑說：「我著咗《我的受保護動物》MV拍攝嘅服裝，從頭都腳都一樣，唯一唔同係我瘦咗，所以條褲有啲鬆。」 除了表演唱歌和玩遊戲，她還帶了多份私人珍藏作為抽獎禮物，與眾同樂。現場布置和應援物都令她非常驚喜，尤其是貼滿她出道以來，每首個人單曲的靚相，她說：「希望未來每一個十年都有大家！」說罷Feanna又眼紅紅。至於生日願望，Feanna祝願大家身體健康，並謂：「最大嘅生日願望，係每一年生日都有大家（Fans）同我一齊慶祝！」她表示出專輯、唱更多好歌和更多表演機會，是每一天的願望，還高興地透露正籌備今年第三首派台歌。
