黃澤鋒再做爸爸，非常開心。(娛樂組攝)
58歲的黃澤鋒日前在社交平台公布，同齡的太太陳麗麗順利誕下B女，母女平安，愛女黃熙恩(小黃妃)榮升家姐。再做爸爸的黃澤鋒今日(7日)現身將軍澳，與陳家樂、岑麗香、栢天男、敖嘉年、泰臣、姚樂怡、盧頌恩(妹頭)、蘇韻姿等，為參演的HOYTV首套電視劇《我愛九龍城》宣傳。黃澤鋒受訪開心分享喜訊，他坦言心繫「三條女」，「大女」老婆、「中女」小黃妃和「細女」小貴妃，他興奮表示：「人生難得叫『雙妃』，女婆係皇太后。有乜禮物送俾佢，送我個account(銀行戶口)，能夠52歲生一個俾我，58歲再生多一個，都應該掌控我大權。真係夫復何求。」他又笑稱面對「三條女」沒發言權，幼女仍未改名，「因為要家族投票，不過我都想跟翻個『妃』字，因為兩姊妹，乳名就『小貴妃』，其他我冇話事權。」
產後即抱小貴妃 完成心願
黃澤鋒感激老婆付出，為了女兒健康餵人奶，大女、中女和細女，集合台灣、中國和香港團隊之力，令老婆剖腹產子過程順利，「冇上一次嘅妊娠毒血症，血壓正常，媽媽可睇住佢出世，抱在心口，完成到上次完成唔到嘅事，上次大女出世佢要全身麻醉，大女要喺氧氣廂，抱唔到小朋友，今次可完成上次嘅嘢。」他指細女現時食人奶、奶粉，可能太太上次生大女後，保養得宜，今次產後面色紅潤，沒有找陪月但請了外傭姐姐，他再次多謝老婆：「媽咪好偉大，到呢個年紀仲餵人奶又唔怕煩。」他深深感受老婆的愛，「我今生無悔，娶咗佢，係我福氣。」
剪臍帶落淚
作為丈夫和爸爸，他兩次都有陪太太進產房剪臍帶，「今次好清楚聽到『扑」一聲，就忍唔住喊。」他憶起當時情景，即眼泛淚光，「同佢剪臍帶一刻，好感受到生命意義，細女出世時喊緊，我話爹地喺度，唔好喊，小朋友即刻唔喊。」他自言眼淺，今次感受尤深，「因為好擔心，好驚，每樣嘢都要好小心，畢竟懷胎10月係好危險嘅事，年紀又唔細，今次好順利，好多謝好多人幫手，同上次憐憫，係恩賜。」他指幼女很乖，懂得聽父母話，他笑言可能父母年紀大，遺傳了成熟，而家姐小貴妃亦很開心有一位妹妹，真的肯落手落腳幫忙執「臭屎片」，他感觸表示，「到咗呢個年紀，屋企多咗兩個小朋友真係好開心。」他笑言要努力賺奶粉錢，又大爆拍劇演壞人被小黃妃投訴，「問我點解要做壞人，話唔開心，自己匿埋喊！(會否再接這類角色？)會！要搵食嘛，佢喊佢嘅事，再慢慢解釋囉！」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
