黃美棋今日（21日）在社交平台分享了一張電視城門口的自拍照，並證實離巢消息！
童星出身的黃美棋上年與圈中男友鍾健威(Ray)結束愛情長跑拉埋天窗，正式成為幸福人妻！黃美棋今日（21日）在社交平台分享了一張電視城門口的自拍照，並證實離巢消息：等我放個震撼彈先！我要正式離開呢個陪我長大再返黎追夢嘅地方lu！」她憶述當年第一套參與演出的TVB劇1994年《包青天》，她分享：「以前嘅TVB係清水灣大概喺我14歲嘅時候TVB先搬咗嚟將軍澳電視城，HKTV 開唔到台之後，我做咗幾年自由身…係因為好想拍劇、最後決定返去TVB繼續呢個追夢之旅！」
童星出身的黃美棋
與TVB結束8年賓主關係
黃美棋與TVB結束8年賓主關係大感不捨，並表示：「喺呢度8年嘅日子當然有開心唔開心，有期待有等待有失望再期待，而我相信呢一種經歷基本上係每個藝人必經嘅階段，而我最大嘅收穫係做到幾個我好鍾意嘅節目，包括有《香港美食一條街》，《大玩特玩》、《玩轉粵北粵東懶人包》、《搶食著數特攻隊》，能夠遇到一啲欣賞我嘅監制同製作組，發掘咗我一啲綜藝喜感嘅小宇宙，仲有連續四年做到直播版歡樂滿東華嘅網上版主持，每次6個鐘頭嘅直播，成為咗我做直播節目嘅根基，《救妻同學會》係我好自豪嘅劇集！」雖然每星期播一集，形式太新穎，不過我依然好記得拍攝嘅點滴，多謝監製Anthony 同o San , 所有導演PA們！」
黃美棋與TVB結束8年賓主關係大感不捨
無懼變自由身
黃美棋續說：「呢一切都豐富咗黃美棋嘅人生！由一個大番薯，蛻變成為今日擁有有好多唔同節目，大show +直播經驗嘅藝人，雖然心裏面都有萬般捨不得，但係聚散有時，每件事情都有終結嘅一刻，而我就選擇喺呢個時間離開呢個「避風港」留低最美嘅回憶，其實能夠喺離開前同家燕姐有一個旅遊節目係天大嘅恩典，好感恩係咁多年黎每一位用過我嘅監製導演，所有幕前幕後嘅工作人員，仲有我老公多謝你咁多年頂住我撐住我睇住我入TVB，再睇住我返出黎，陪我度過每一個時刻！」
最後她寫上：「外面風大雨大個市又唔好，留低好d喎，起碼有份糧！係嘅，外面的確係風大雨大，但係我都好明白，如果宜家唔走，我驚我再無勇氣繼續去闖…要有向前嘅勇氣呀！同埋我嘅離開唔代表我放棄演藝嘅路，我更珍惜所有嘅機會，同埋有更多天大嘅空間去創作，最後多謝公司呢八年黎俾我嘅所有機會，我拍咗條散水片㗎，過兩日有得睇！」
立即更新/下載AM730手機APP 體驗升級功能
