《黑太陽731》
戲院市道係點，有幾多間戲院宣布「最後今天」就知。要觀眾入場，唔容易，但又唔係冇辦法。
《黑太陽731》加場得返頭2行仲有飛賣
影藝戲院早前宣布，重新放映80年代港產暴力經典電影《黑太陽731》，估唔到成為逆市奇葩。原本安排7月31日（周四）放映一場，但係影迷反應極之熱烈，啲飛極速賣晒！院方於是立即加開8月2日（周六）場次，頭先小編睇過，加場得返頭2行仲有飛賣，可想而知大家有幾恨睇。
《黑太陽731》
拍過《打蛇》呢套殘酷兼具爭議性作品嘅導演牟敦芾，1988年上映嘅《黑太陽731》同樣震撼。故事基本上就係片名講嘅日軍731部隊，喺二戰侵華時期以人體做實驗嘅殘酷過程，刻劃當年嘅細菌實驗、毒氣室、凍傷、肢解等場面，莫講話睇，我打呢幾段字都覺得反胃。《黑太陽731》毫無意外地被評為三級片，更加係香港實施電影三級制之後，首套評為三級片嘅香港電影。
《黑太陽731》有2箱戲服未開，影藝嘅小編問大家點處置……
除咗「首套三級港產片」之外，《黑太陽731》當年另一賣點係聲稱以真屍體拍攝……呢啲「賣點」，以而家嘅尺度同道德觀而言都好難再做一次，可能呢個正正係觀眾想睇嘅原因。
早排海運戲院結業前，電影公司特意喺海運播放荷李活爛片經典《瘟室》（The Room），而喺4月時有呢套戲嘅fans甚至搵埋男主角Greg Sestero搞放映兼見面會，反應當然好熱烈。可想而知，而家呢類target特定觀眾嘅小本放映，應該會越來越多。
喺4月時有《瘟室》（The Room）嘅fans甚至搵埋主角Greg Sestero嚟香港搞放映兼見面會
早排海運戲院結業前，電影公司特意喺海運播放荷李活爛片經典《瘟室》（The Room），而喺4月時有呢套戲嘅fans甚至搵埋男主角Greg Sestero搞放映兼見面會，反應當然好熱烈。可想而知，而家呢類target特定觀眾嘅小本放映，應該會越來越多。
原文刊登於 電影LOL
立即更新/下載AM730手機APP 體驗升級功能
