李家鼎(鼎爺)和譚玉瑛昨日為《阿爺廚房》錄影最後一集，前晚他們更花了12小時，為台慶頒獎禮炮製炸子雞予同事享用。節目播映後反應理想，被問到會否添食，鼎爺就話未知。
鼎爺稱：「暫時拍20集，之後要拍新劇，所以要睇公司點安排。」他指能有現時的廚藝多得父母，「我8歲起就開始煮飯，從而練出好刀功，即使自己小朋友嘅膳食都唔會假手於人，要親自下廚。」鼎爺表示，平日一個人住，很少下廚，但經常在家開大食會招呼朋友，「聽到朋友讚自己都會飄飄然㗎，但我最怕食完要洗碗！」
爆譚玉瑛愛買東西
鼎爺笑指譚玉瑛喜歡買東西，「之前打賭，如果佢可以一日唔買嘢就請食早、午、晚三餐，結果佢都買咗香料，令我慳番二千蚊！」