經民聯議員鄧銘心於立法會「拗柴」，右腳戴上固定器。（陳芷晴攝）
立法會風水唔知係咪麻麻，接連有議員受傷。最新有經民聯議員鄧銘心喺立法會拗柴，搞到右腳要戴上固定器。
鄧銘心今日右腳戴住固定器現身立法會，由職員扶住慢慢行入會議室，側邊有其他議員一邊關心佢。原來鄧銘心噚日喺立法會發言之後，離開議事廳準備返辦公室嗰陣突然拗柴。佢話原本以為冇咩問題，但去到下畫惡化，需要即刻睇醫生。醫生同佢講右腳外側韌帶撕裂，至少要唞兩星期先好返。鄧銘心話未試過傷到咁，形容係無妄之災呀！
立法會有多名傷兵
立法會最近有好多「傷兵」，包括陳仲尼、陳克勤、邵家輝同陳家珮。其中，陳家珮前排同樣係拗柴，因為同仔女打羽毛球而意外受傷。
ADVERTISEMENT
【👇送3M靜電空氣濾網體驗包4包👇】
