一男子於港鐵車廂內剃鬚，惹來附近乘客大為不滿，拍下其照片於社交平台公審。(Threads)
在公共交通工具上，保持環境衛生是每個人應盡的責任。惟遺憾總有一些人未能意識到這一點，不少人均曾目擊有人在交通工具上剪指甲「啪啪聲」，最新則有人於港鐵車廂內剃鬚，惹來附近乘客大為不滿，拍下其照片於社交平台Threads公審，怒斥「你啲蘇(鬚)飛哂落我度」。
樓主於周二(12日)早上發帖，以「乜人都有」為題，照片可見一名穿黃衫的男子於逼滿人的車廂內站立，期間拿出鬚刨剃鬚修理儀容，被樓主拍下情景，根據列車地圖該列車是荃灣線，當時應準備抵金鐘站，樓主發文怒斥「大佬可唔可以唔好甘趕時間丫，油麻地剃到金鐘先停手。你啲蘇(鬚)飛哂落我度，你仲要唔要嫁？邊位師兄，pm我拎返」。
網民斥不衛生 「 坐係到果個食曬」
帖文引發網民聲討，有人留言稱不衛生，「剃鬚最顛，坐係到果個一定食曬」、「好趕時間」、「依家啲人發生咩事，公共場合又剪指甲又剃鬚，後生仔都係咁」、「同剪指甲腳甲一樣咁x街」、「點解可以咁核突無教養」、「其實究竟係依啲人真係自我中心得咁緊要」、「可能一粒鐘就生到好長，唔剃唔爽」、「好想知咩人先會帶指甲鉗同鬚刨出街係街用」、「遲啲會唔會見到有人剃頭，脫格勒底毛咁」。
ADVERTISEMENT
【👇送3M靜電空氣濾網體驗包4包👇】
