鄧炳強憶述看完《獵鷹》投考警隊。(鄧炳強FB)
電視劇或電影是不少人追尋理想職業嘅啟蒙。工作忙碌嘅保安局長鄧炳強近日深夜加班，適逢電視劇集《獵鷹》重播，佢話一幕幕畫面勾起佢嘅無限回憶，因為呢齣劇集燃點咗佢嘅警察夢。
鄧炳強今日(23日)喺社交平台分享，當年就係因為睇咗《獵鷹》，燃點咗自己嘅警察夢，嗰份維護法紀嘅熱血，驅使佢畢業後立即投考幫辦，最後夢想成真。
正值6月畢業季節，鄧炳強話想向每位即將畢業嘅同學講，為自己立定志向，堅持夢想、努力不懈，唔好怕蝕抵，唔好驚失敗，成功嘅路就喺面前。佢又鼓勵胸懷大志、心存正義，渴望造福社會嘅市民投身紀律部隊，成為守護家國嘅一份子。
ADVERTISEMENT
【👇送小米智能家品新品👇】
