前立法會主席梁君彥、前「班長」廖長江等出席「第七屆舊生會」聚會
今屆立法會上任已經半年，至於一眾退下火線嘅前議員同時淡出公眾視線。今日有傳媒報道一班前議員近排發起「第七屆舊生會」聚會，「無官一身輕」，內容主要都係閒話家常。
讚揚梁君彥為議員頂住壓力
今日報章專欄提到「第七屆舊生會」喺上月底聚頭，有大約20位前議員出席，包括前立法會主席梁君彥、前「班長」廖長江等。一眾前議員都話好珍惜呢段情誼，希望定期聚會。報道引述與會者提到聚餐主要係閒話家常，例如傾時事以至世界盃。席間亦有人讚揚梁君彥擔任大主席9年期間，為議員頂住唔少壓力。
中文大學工程學院副院長黃錦輝涉嫌酒後駕駛，辭任立法會議員。梁君彥今日出席活動嗰陣，被問到對議員酒後駕駛嘅睇法，以至需唔需要收緊議事規則同安排補選等。佢話立法會事宜同佢無關，不予置評。
ADVERTISEMENT
【👇請你食南記粉麵金銀蒜湯米線套餐👇】
