田北辰與大熊貓撞名
大熊貓貴為國寶,實政圓桌召集人田北辰發現同成都一隻大熊貓撞名,都叫做「北辰」,仲話佢哋兩個之間嘅共通點係精力充沛!
田北辰分享助理突然話有份驚喜,原來對方喺成都大熊貓繁育研究基地,發現咗一隻大熊貓叫「北辰」,即刻買咗個印有「北辰」嘅環保袋,送畀老闆做手信。田北辰多謝助理咁有心,話以後都會帶住「自己」周圍走。
大熊貓「北辰」
兩個「北辰」十分相似
根據園區介紹,成都大熊貓「北辰」今年4歲幾,係一隻雄性大熊貓,媽媽就叫做「北川」。園區介紹「北辰」長相可愛,鍾意喺架上面玩同瞓覺,係一隻精力充沛嘅大熊貓。田北辰話佢哋真係幾似,「北辰」喺基地日日跑跑跳跳,佢就見到社會有咩問題,一定第一時間出嚟發聲喎!




















