選委界議員魏明德在首次會議前，退出改革醫委會法案委員會
立法會大會喺暑假休會，不過部分會議仍然馬不停蹄，包括改革醫委會嘅法案委員會，今個月25號會舉行首次會議。有議會「新丁」就喺未開會之前，已經申請退出委員會。
原本打算就審議工作稍盡綿力
選委界議員魏明德最近去信《2026年醫生註冊(修訂)條例草案》委員會主席陳家珮，申請退出委員會。佢解釋原本打算就審議工作稍盡綿力，但因為近期職務調動，獲安排喺8月同9月參與多項海外考察、交流行程，其中包括國家層面會議，時間上同委員會會議以及相關工作有所重疊。魏明德話經審慎考慮後，決定喺委員會召開首次會議前退出。
ADVERTISEMENT
【APP會員限定 amFUN積分加碼賞登場】
